من يريد السفر ألى ايطاليا .. هنا الطرق

[وائل على]

السلام عليكم اخوانى
كتبت هذا الموضوع لكل الشباب الحالم بالسفر الى ايطاليا واوروبا عموما

الطريقة الشرعية :
لو عاوز تسافر رسمى كل اللى تعمله هو الآتى
تأجر شقة وتعمل بيها سجل تجارى وبطاقة ضريبية لشركة وبعدين
بتروح تغير البطاقة وتكتب الصفة ( رجل أعمال ) وبعدين بتروح تعمل باسبور ( جواز سفر )(
بتكتب فيه الصفة رجل اعمال وبعتقد انه بحوالى 1500 او 3000 جنيه مش متزكر بالظبط
وبعدين بتروح البنك تجيب خطاب ضمان انك معاك مبلغ كبير فى البنك ومن فترة
لازم الفلوس تكون باسمك .. ولازم تكون موجودة من فترة باسمك بالبنك
وبتروح تقدم على السفارة تأشيرة عمل وتختار ميعاد مثلا فيه مؤتمر معين فى ايطاليا
وبتقدم وهما بيشوفوا الوضع وليهم الحق يوافقوا او يرفضوا طلبك
بس الطلب رسمى ومفيهوش مخاطر على حياتك

فى حالة السفر غير المشروع :
السفر الى ايطاليا ليس بالأمر المستحيل لكنه يحتاج الى عدة عوامل
1 الحظ ( بنسبة 70% )
2 المال ( بنسبة 20% )
3 معرفة اللغة ( نسبة 10% )

نقول بقى الطريقة للى داخل مصر
كل اللى حتحتاجه هو انك تسافر ليبيا ( طيب ليه اسافر ليبيا ) ..... حقولك
ليبيا هى اقرب بلد عربى لأيطاليا وكل الموضوع انك بتعبر البحر المتوسط

بعد ما بتوصل ليبيا بالأخص ( مدينة بنى غازى ) بتسال وبتسفسر عن الناس اللى
بيسفروا ليبيا بالمراكب وطبعا بتكون جاهز بالفلوس علشان تدفعها له

اول ما بتلاقيه بياخد ما بين 400 الى 600 دولار مقابل انك تركب المركب ويوديك لغاية سواحل ايطاليا
طبعا هو مش مسئول عن قعدتك فى ليبيا او ايطاليا او تكلفتهم .. هو كل اللى ليه انه بيجى يقولك
يالا قررنا السفر دلوقت .... طبعا لما تتكلم معاه اشرط عليه انه يكون العدد قليل فى المركب مش كبير
لأن لو كبر العدد ممكن لا قدر الله تغرق المركب وخصوصا انه البحر المتوسط امواجه عالية كما تعرفون
فنصيحتى انك متسافرش فى الشتاء علشان بيكون البحر فى شدة الخطر

انت دلوقتى ركبت المركب ورايح ايطاليا اكيد حتتعرض لخفر السواحل الأيطالى او ياما حتعدوه بليل
لو عدتوه بتبدأ تستقر بنفسك 50% انك دخلت ايطاليا . المهم بتدخل شوية جزر وبعد كدا بتدخل ايطاليا سالما

طبعا هناك بتقوم مئات المحاولات الفاشلة شهريا وياما اصحابها بيغرقوا او بيتم القبض عليهم من شرطة السواحل
او بينزلوا فى جزيرة ميعرفوش اهلها بيتكلموا اى لغة ومبيقدروش حتى ياكلوا لأن اهل الجزيرة لا يعلمون عنهم شىء

وهناك امثلة لنمازج كتيرة فشلت فى السفر وفيه امثلة لناس كتيرة نجحت فى الوصول لأيطاليا بس خلى بالك
الشرطة الأيطالية رخمة اوى يعنى بتحس انك مطارد هناك على طول لغاية ما تلاقى وسيلة للأستقرار الرسمى هناك

زى مثلا الزواج بايطالية . وفيه طريقة انك تتزوج ايطالية بفلوس وتاخد الاقامة رسمية وبعدين بيتسيبها

الحياة فى ايطاليا غالية جدا وفى اوروبا عموما

اتمنى انى وفقت فى سرد طريقة السفر الى ايطاليا المشروعة والغير مشروعة على أمل انى اشرح لكم طرق اخرى

أخوكم جريح النفس