أتأخرت عليكى ؟

[مارد وشوشنى]

إتأخرت عليكى ..؟

*****
إتأخرتْ عليكى ..؟

كنت بَلِم نجوم السما علشان أعملهم عُقْدْ ..

عقد يليق بأرق ملاكْ ..

وبأحلى بشر فى الأرضْ ..

واتغربت فْ قلب الكونْ ..

مليون نجمه بمليون لونْ ..

ما لْقيتْ نجمه تساوى عنيكى ..

إتأخرتْ عليكى ..؟
*****
كنت بجيبلك صُحبة وردْ ..

ورغم البردْ ..

رُحْتْ جناينْ ..

زُرْتْ مداينْ ..

واتعذبتْ فْ ليل الشَّردْ .

ما لْقِيتْ ورده ف كل الدنيا ..

تستاهل تلمِسْها إيديكى ..

إتأخرتْ عليكى ..؟
*****
أنا متغرب بس عشانك

كنتْ بحاول ألاقى هديه

تليقْ بملاكى .

حاجه تساوى الحب ف قلبى ..

إللى إتمناكى .

بس إحترتْ ..

واما لقيتْ نفسى إتأخرتْ ..

قلت أجيلك من غير عقدْ ..

ومن غير وردْ ..

أصلِكْ أغلى نجوم السما ..

وأرقْ زهورْ الأرضْ ..

[ميسا]

الله شو هالكلام الرائع بارك الله فيك
جزاك الله كل الخير
تسلم ايدك
ميسا

[مارد وشوشنى]

الله عليكى يا ميسا دايما تسعدينى بردودك الرقيقه ، تسلمى وارجو ان اظل عند حسن ظنك دائما

[اميرة الافراح]

كلام جميل ورائع يااخي
تقبل مروري

[مارد وشوشنى]

المشاركة الأصلية كتبت بواسطة اميرة الافراح

كلام جميل ورائع يااخي
تقبل مروري

والأروع من الكلام هو أنه عجبك ، تسملى اميرة الافراح ويسعدنى مشاركتك

[ياسمين]

ايه يا مارد الرومانسيه والجمال ده كله بجد عجبنى اوى شكرا على الموضوع الاكثر من رائع

[مارد وشوشنى]

المشاركة الأصلية كتبت بواسطة ياسمين

ايه يا مارد الرومانسيه والجمال ده كله بجد عجبنى اوى شكرا على الموضوع الاكثر من رائع

وردك اكثر روعه يا ياسمين ودايما بيسعدنى اشوف ردودك ومشاركاتك ، يسلملى مرورك

[عاشقه لغاتي]

[مارد وشوشنى]

المشاركة الأصلية كتبت بواسطة عاشقه لغاتي

تسلمى عاشقه لمورورك الكريم ويعطيكى الف عافيه