|
عبقرية رباعيات صلاح جاهين
هذه بعض رباعيات العبقري "صلاح جاهين" الرجاء من قراء هذا الموضوع ان لا يمروا على هذه الرباعيات مرار الكرام ... تأملو إخواني عبقرية هذا الرجل والمغزى الذي يريد الوصول اليه في كل رباعية... نوح راح لحاله والطوفان استمر مركبنا تايه لسه مش لاقية بر آه من الطوفان ...و آهين يابر الامان ازاي تبان والدنيا غرقانة شر ♫عجبي♫ حبيت ... لكن حب من غير حنان وصاحبت ... لكن صحبة مالهاش امان رحت لحكيم وأكتر لقيت بلوتي إن اللي جوه القلب مش ع اللسان ♫عجبي♫ الدنيا من غير ربيع ميته ورقة شجر ضعفانة ومفتفتة لأ يا جدع غلطان تأمل وشوف زهر الشتا طالع في عز الشتا ♫عجبي♫ سمعت نقطة ميه جوه المحيط بتقول لنقطة ما تنزليش في الغويط أخاف عليكي م الغرق ... قلت أنا ده اللي يخاف م الوعد يبقى عبيط ♫عجبي♫ يا قرص شمس مالهش قبة سما يا ورد من غير أرض شب ونما يا أي معنى جميل سمعنا عليه الخلق ليه عايشين حياة مؤلمة ♫عجبي♫ سهير ليالي وياما لفيت وطفت وف ليلة راجع في الضلام قمت شفت الخوف .. كأنه كلب سد الطريق وكنت عاوز أقتله ... بس خفت ♫عجبي♫ أحب أعيش ولو أعيش في الغابات أصحى كما ولدتي أمي وأبات طائر .. حوان .. حشرة .. بشر .. بس أعيش محلا الحياة ... حتى في هيئة نبات ♫عجبي♫ عجبتني كلمة من كلام الورق النور شرق من بين حروفها وبرق حبيت أشيلها ف قلبي ... قالت حرام ده انا كل قلب دخلت فيه اتحرق ♫عجبي♫ مرحب ربيع مرحب ربيع مرحبة يا طفل ياللي ف دمي ناغا وحبا علشان عيونك يا صُغنن هويت حتى ديدان الأرض والأغربه ♫عجبي♫ قالوا الشقيق بيمص دم الشقيق والناس ما هياش ناس بحق وحقيق قلبي رميته وجبت غيره حجر داب الحجر ... ورجعت قلبي رقيق ♫عجبي♫ أنا كل يوم أسمع ... فلان يعذبوه أسرح في بغداد والجزائر وأتوه ماعجبش من اللي يطيق بجسمه العذاب وأعجب من اللي يطيق يعذب أخوه ♫عجبي♫ |
:^51^::^51^:مشكووووووووووووووووور انا بحب صلاح جااااااااااااهين جدا جدا جدا
وكمان باخد منة رباعيات بستفاد منها جامد, فى رباعية بحبها جدا بتقول ولدى نصحتك لحد ماصوتى اتنبح ماتخفش لامن جنى ولا من شبح وان قابلك عفريت قتيل اسالة مدافعش لية عن نفسة يوم ماندبح وعجبى |
ممتااااااااااااااااااااااااااااااااااااز
تسلم ايدك اختى غيدا على مجهودك الرائع بحب صلاح جاهين جداااااااااااااااااااااااااااااااااااااا تقبلى مرورى وخالص تحياتى |
شكرا لك يا عزيزتي غيداااء تسلم ايدك حبيبتي ويا صديقتي المفضلة
بارك الله فيك يا عسل المنتدى تقبلي مروري صديقتك ميسا |
:^5^:شكراً... لمروركم أصدقائي... وشكر خاص للغالية ميسا:^5^: |
ابدع صلاح جاهين وابدعت انتي في انتقائك لهذه الرباعيات احببت ايضا من رباعياته حاسب من الاحزان و حاســـــــب لها
حاسب علي رقابيك من حبلـــــــــــها راح تنتهي و لابد راح تنتهــــــــــي مش انتهت أحزان من قبلهــــــــــا؟ عجبي !!! الف شكرا على مجهودك اختك في الله سومه |
اقتباس:
أهلاً سومه نورتي موضوعي والمنتدى كله والله أختي ما في رباعية واحدة ما تبهر قارئها... جاهين عبقري بمعنى الكلمة شكراً لمرورك وجزاك الله خيراً |
| الساعة الآن 10:16 PM بتوقيت مسقط |
Powered by vBulletin® Version 3.8.8
Copyright ©2000 - 2026, Jelsoft Enterprises Ltd.
:: جميع الحقوق محفوظة لمنتديات لغاتى التعليمية ::