على اسم مصر -

ahmed_mido · 01-01-2011, 09:47 AM

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور .. أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر

النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها .. والجدال يشتد

على اسم مصر

لللشاعر الكبير عم الشعراء صلاح جاهين

Blue Star · 02-15-2011, 04:36 PM

قصيدة رائعة للضاحك الباكي - صوت الشعب صلاح جاهين

شكرا لحضرتك علي الموضوع الجميل

و في انتظار المزيد من موضوعات حضرتك المميزة

سحر مراد · 03-17-2011, 03:30 PM

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!

بوركت على النقل المميز

الباشة سمسم · 03-24-2011, 11:46 AM

كلام جميل يا ابن بلدي

ربنا يحفظ مصر يارب لكل المصريين

شكرا لشخصكم الكريم

ahmed_mido · 04-21-2011, 09:33 AM

اقتباس:

المشاركة الأصلية كتبت بواسطة الباشة سمسم

كلام جميل يا ابن بلدي

ربنا يحفظ مصر يارب لكل المصريين

شكرا لشخصكم الكريم

شكرا لمرورك المتواضع اخى الكريم
اعانك الله واعاننا جميعا على الغربة وتحمل قسوتها
دمت فى امان الله

سحر مراد · 05-14-2011, 10:29 PM

يا غالية يا مصر يا أمنا

eng_hatem777 · 09-18-2011, 05:28 AM

على إسم مصر التاريخ يقدر يقول ما شاء

أنا مصر عندى أحب و أجمل الأشياء

........

روعه

01-01-2011, 09:47 AM	#1
ahmed_mido المشرف العام تاريخ التسجيل: Apr 2008 الدولة: ام الدنيا العمر: 38 المشاركات: 905 معدل تقييم المستوى: 18	على اسم مصر على اسم مصر التاريخ يقدر يقول ما شاء أنا مصر عندي أحب وأجمل الأشياء بحبها وهي مالكة الأرض شرق وغرب وبحبها وهي مرمية جريحة حرب بحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر أنا اللي اسمي حتحـور .. أنا بنت رع مثـال الأمـومـة ورمـز الحـنـان تفـيض حـلمـاتي وتمـلا الـتـرع وتسـقـي البـشـر كلهـم والغـيـطان نهايته يا مصر اللي كانت أصبحت وخلاص تمثال بديع وانفه في الطين غاص وناس من البدو شدوا عليه حبال الخيش والقرص رع العظيم بقى صاج خبيز للعيش وساق محارب قديم مبتورة ف أبو قرقاص ما تعرف اللي بترها سيف والا رصاص والا الخراب اللي صاب عقل البلد بالطيش قال ابن خلدون أمم متفسخة تعيش ليش وحصان صهل صحى جميع الجيش على اسم مصر النخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة أسمعها مهموسة والا أسمعها مشخوطة شبكة رادار قلبي جوه ضلوعي مضبوطة على اسم مصر وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أو حيحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد أقوله لحد القمح ليه اسمه قمح اليوم وأمس وغد ومصر يحرم عليها .. والجدال يشتد على اسم مصر لللشاعر الكبير عم الشعراء صلاح جاهين

02-15-2011, 04:36 PM	#2
Blue Star لغاتى نشط تاريخ التسجيل: Feb 2011 المشاركات: 127 معدل تقييم المستوى: 14	قصيدة رائعة للضاحك الباكي - صوت الشعب صلاح جاهين شكرا لحضرتك علي الموضوع الجميل و في انتظار المزيد من موضوعات حضرتك المميزة __________________

03-17-2011, 03:30 PM	#3
سحر مراد لغاتى ممتاز تاريخ التسجيل: Feb 2010 الدولة: مصر المشاركات: 508 معدل تقييم المستوى: 16	انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !! بوركت على النقل المميز __________________

03-24-2011, 11:46 AM	#4
الباشة سمسم لغاتى الذهبى تاريخ التسجيل: Mar 2009 الدولة: Egypte المشاركات: 4,821 معدل تقييم المستوى: 21	كلام جميل يا ابن بلدي ربنا يحفظ مصر يارب لكل المصريين شكرا لشخصكم الكريم __________________

05-14-2011, 10:29 PM	#6
سحر مراد لغاتى ممتاز تاريخ التسجيل: Feb 2010 الدولة: مصر المشاركات: 508 معدل تقييم المستوى: 16	يا غالية يا مصر يا أمنا __________________

09-18-2011, 05:28 AM	#7
eng_hatem777 لغاتى سوبر تاريخ التسجيل: Aug 2011 الدولة: lمصر الدور التانى العمر: 34 المشاركات: 150 معدل تقييم المستوى: 14	على إسم مصر التاريخ يقدر يقول ما شاء أنا مصر عندى أحب و أجمل الأشياء ........ روعه

الذين يشاهدون محتوى الموضوع الآن : 1 ( الأعضاء 0 والزوار 1)